Checheniston Madaniyat vaziri, mamlakat rahbarining qizi Ayshat Qodirova Oʻzbekiston safari taassurotlari bilan oʻrtoqlashdi.

Oʻzbekistonga tashrif buyurgan Ayshat Qodirovani Shahnoza Mirziyoyeva va Otabek Umarov kutib olgan. Safar Buxoro shahridan boshlangan. Checheniston rahbarining qizi Buxoroning muqaddas qadamjolarini ziyorat qilgan, Checheniston Respublikasining birinchi prezidenti – Ahmad hoji Qodirov tahsil olgan Mir Arab madrasasiga tashrif buyurgan. U bobosi yashagan hujrani koʻzdan kechirgan.

Checheniston Madaniyat vaziri lavozimida faoliyat olib borayotgan Ayshat Qodirova Oʻzbekiston Madaniyat vaziri Ozodbek Nazarbekov bilan uchrashgan. Uchrashuv davomida kelgusidagi rejalar muhokama qilib olingan.

Ayshat Qodirova Oʻzbekistonga tashrifi davomida Amaliy sanʼat muzeyida ham boʻlgan, bu yerdagi eksponatlar bilan tanishgan.

U Oʻzbekiston xalqining qanchalar mehmondoʻst ekanligidan hayratga tushganini alohida taʼkidlab oʻtgan.

• Jahon
• mashhurlar