Tuxel u bilan avval “Borussiya”da birga ishlagan.

“Barselona” yarim himoyachisi Usmon Dembele “Chelsi”ning e’tiborini tortdi.

Jurnalist Kristian Falkning yozishicha, vinger London klubi tomonidan sotib olinishi mumkin bo‘lganlar ro‘yxatiga kiritilgan. Qayd etilishicha, “ko‘klar” bosh murabbiyi Tomas Tuxel va futbolchi Dortmundning “Borussiya”sida birga ishlagandan keyin bir-birlari haqida yuqori fikrda.

Shu bilan birga, Dembelening yuqori moliyaviy talablari transferga to‘sqinlik qilishi mumkin.

Ma’lumot o‘rnida, fransiyalik futbolchi joriy mavsumda La Ligada 20 ta o‘yinda maydonga tushib, 13 ta golli uzatmani amalga oshirdi.