Ijtimoiy tarmoqlarda Toshkent viloyatining Chirchiq shahrida mashhur qurilish kompaniyasi tomonidan qurib bitkazilganiga bir yil ham bo‘lmagan ko‘p qavatli uy cho‘kib, yonboshlab qolgani aytilmoqda.

Qurilish va uy-joy kommunal xo‘jaligi vazirligi vaziyatni nazoratga olganini aytdi.

“Toshkent viloyatining Chirchiq shahri “Iftixor” MFY hududida qurilib, foydalanishga topshirilgan mazkur koʻp qavatli uyda yuzaga kelgan holat hozirda Qurilish va uy-joy kommunal xoʻjaligi vazirligining qurilish loyiha tashkilotlari mutaxassislari, qurilish sohasida hududiy nazorat inspeksiyasi masʼullari tomonidan nazoratga olingan.

Oʻrganish natijalari boʻyicha batafsil maʼlumot taqdim qilinadi” – deyiladi vazirlik bayonotida.

• Chirchiq
• Qurilish vazirligi
• Toshkent viloyati