Joriy yil 18-noyabr kuni Qashqadaryo viloyati Chiroqchi tumani hokimi Xurram Jo‘rayevning “Chiroqchi tumani hududidagi 32 ta mahalla fuqarolar yig‘inlari hududlarini yangi tashkil etilayotgan Ko‘kdala tumani tarkibiga o‘tkazish haqida”gi qarori qabul qilindi. 

Qaror bilan Chiroqchi tumanining 32 ta mahallasi, jumladan, “Ayritom”, “Baxt”, “Beglamish”, “Ko‘kdala”, “Qanotli”, “Naymansaroy”, “Oltin boshoq”, “Oltin dala”, “Paxtalisoy”, “Soybo‘yi”, “Taloqtepa”, “Toshli”, “Umakay”, “O‘tamayli”, “Xarduri”, “Xo‘jaobod”, “Xushali”, “Chorvador”, “Sho‘rbozor”, “Sho‘rquduq”, “Eski anhor”, “Torjilg‘a”, “Guliston”, “Annaruz”, “Zum”, “Gʻallakor”, “Qumdaryo”, “Suvliq”, “To‘qmor”, “Uymovut”, “Chiyal” va “Chuvulloq” mahalla fuqarolar yig‘inlari  hududlari — yangi tashkil etilayotgan Ko‘kdala tumani tarkibiga o‘tkaziladi.

Eslatib o‘tamiz, Shavkat Mirziyoyev joriy yil Qashqadaryo viloyatiga tashrifi chog‘ida Chiroqchi tumanini ikkiga bo‘lish taklifi bilan chiqqandi.

• Chiroqchi
• Qashqadaryo