Qashqadaryo viloyati Chiroqchi tumanida avtomobilda o‘rnaligan gaz ballon portlab ketdi.

Holat, kecha tungi soat taxminan 21:00 larda tumanning “Annaro‘z” mahallasidan o‘tuvchi avtomobil yo‘lida harakatlanib borayotgan Chiroqchi tumani “Suvliq” mahallasida yashovchi fuqaro 1992-yilda tug‘ilgan X.N boshqaruvida bo‘lgan Nexia-1 rusumli avtomashinasi bilan sodir bo‘lgan.

Hodisa oqibatida haydovchi va voqea joyida yo‘lovchi sifatida harakatlanib borayotgan fuqaro “Suvliq” mahallasida yashovchi 1973 yilda tug‘ilgan B.B lar tan jarohati olib shifoxonaga yotqizilgan.

Sodir bo‘lgan vaziyat bo‘yicha qutqaruv xizmatiga murojaat kelib tushmagan.

Hozirda,  holat bo‘yicha Chiroqchi tuman Prokuraturasi tomonidan surishtiruv ishlari olib borilmoqda.

Eslatib o‘tamiz, joriy yil 27-oktyabrida ham Chiroqchida Nexia portlab ketgan va hodisa oqibatida 18 va 19 yoshli fuqarolar og‘ir jarohatlangan edi.

• Qashqadaryo
• YTH