Ijtimoiy tarmoqlarda Qashqadaryo viloyati Chiroqchi tumani Xo‘ja Abdujabbor qishlog‘ida yer cho‘g‘ bo‘lib yonayotgani tasvirlangan videolavha tarqaldi.

Qashqadaryo viloyati Ekologiya va atrof-muhitni muhofaza   qilish boshqarmasi ushbu holat yuzasidan hududda o‘rganish olib borganini ma’lum qilib, dastlabki xulosalarini e’lon qildi.

Unga ko‘ra, taxminan 0,10 ga yer maydon avval ham yonib o‘chganligi va hozirda kunda taxminan 0,01 ga yer maydoni ustidan tutun chiqib atrofga badbo‘y hid tarqalayotgani aniqlangan. O‘rganish davomida ushbu qishloqda yashovchi oqsoqollar bu joy taxminan 50-70 yillar oldin chuqurlik joy bo‘lib, qamishzor bo‘lganligi va yillar o‘tib qamishlar ustiga tuproq yopilib ketganligini aytishgan.

“Ushbu holat bo‘yicha Geologiya sohasi mutaxassislarining o‘rganish o‘tkazib xulosalari taqdim qilingunga qadar, dastlabki xulosa yer ostidagi qolib ketgan qamishlar qizishi va chirishi natijasida ushbu holat yuzaga kelganligi bo‘yicha dastlabki xulosa qilindi”, – deyiladi viloyat Ekoboshqarmasi munosabatida.  

• Ekologiya
• Qashqadaryo