Toshkent shahridagi “Cho‘ponota” aylanma ko‘prigida ta’mirlash ishlari munosabati bilan transport harakati cheklandi. Bu haqda poytaxt hokimligi matbuot xizmati xabar berdi.

“20-yanvardan 30-yanvargacha ta’mirlash ishlari olib borilishi munosabati bilan Toshkent shahridagi “Cho‘ponota” aylanma ko‘prigi qisman yopiladi. Sergeli shoh ko‘chasi bilan Toshkent halqa yo‘lini bog‘lovchi ko‘prikdan ma’lum soatlarda harakatlanish mumkin emas. Vaqtinchalik keltirilgan noqulayliklar uchun uzr so‘raymiz”, – deyiladi xabarda.

Yo‘l harakati xavfsizligini ta’minlash va ta’mirlash ishlarini tezlashtirish maqsadida haydovchilarga muqobil aylanma yo‘llardan foydalanish tavsiya etilgan.

• Toshkent
• Yo'llar