Toshkent viloyati Ekologiya va atrof-muhitni muhofaza qilish boshqarmasi ijtimoiy tarmoqlarda e’lon qilingan, Chorvoq suv ombori yuzasida chiqindilarning suzib yurgani aks etgan videodagi holat yuzasidan ma’lumot berdi.

Ta’kidlanishicha, viloyat Ekologiya boshqarmasi xodimlari vaziyatni o‘rgangan. Natijada so‘nggi kunlarda yog‘gan kuchli yomg‘ir sabab Chorvoq suv ombori havzasi va yuza qismiga har xil turdagi chiqindilar yig‘ilib qolgani aniqlangan.

Hozirda mazkur suv omboridagi chiqindilar maxsus texnika va qayiqlar yordamida tegishli tartibda bartaraf etilmoqda.

• Chiqindi
• Ekologiya
• Suv ombori