Ma’lum qilinishicha, O‘zbekistonga xorijdan kelayotgan ikki yoshdan oshgan barcha yo‘lovchilar respublikaning xalqaro aeroportlarida koronavirusga qarshi majburiy testdan o‘tishlari shart. Bu haqida Uzbekistan Airways kompaniyasi matbuot xizmati xabar berdi.

Unga ko‘ra, to‘lovni amalga oshirib, chekni olgandan keyin yo‘lovchidan ekspress-test olinadi, shundan so‘ng pasportga shtrix-kod yopishtiriladi. Test natijalari 15 daqiqa ichida olinadi.

Terminaldan chiqayotganda shtrix-kod skanerdan o‘tkaziladi va yo‘lovchi koronavirus testi natijasini oladi. Test natijasi ijobiy bo‘lsa, yo‘lovchi majburiy karantinga olinadi.
 

• Uzbekistan airways
• koronavirus