31°
Kechasi 18°
CZN Burak nomi bilan mashhur bo‘lgan turk oshpazi Burak O‘zdemir kecha, 2-sentyabr kuni Toshkentga keldi va sobiq poytaxt hokimi bilan Besh Qozon osh markazida 1 tonna osh pishirdi. Bu haqda Burakning o‘zi Instagram sahifasida ma’lum qildi.
“Yakshanba muborak, qardosh O‘zbekistonda mahalliy palov tayyorlab tarqatdik. Toshkentning sobiq hokimi janob Jahongir Ortiqxo‘jayev va Aziz akamga rahmat. Qancha tonna palov tayyorlaganimizni taxmin qiling. Barcha izohlaringizni kutamiz”, – deb yozadi u.
Shuningdek, Burak o‘z sahifasiga yangi pishgan Toshkent patirlarini tandirdan uzayotgan videosini va Jahongir Ortiqxo‘jayev bilan tushgan suratini ham joylagan.
Ta’kidlash joizki, siyosatdagi davrida O‘zbekiston mediasida eng ko‘p tilga olinadigan shaxslardan biriga aylangan Jahongir Ortiqxo‘jayev, hokimlikdan ketgach negadir omma oldida umuman ko‘rinish bermay qo‘ydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
