“O‘zgidromet” xabariga ko‘ra, juma va dam olish kunlari O‘zbekiston hududi bo‘yicha issiq kuchayishi kutilmoqda. Kunduz kunlari havo +42…+45 darajagacha, janubda va cho‘l hududlarda +46…+48 darajagacha isiydi.

Shamol 9−14 m/s tezlikda esadi, ba’zi joylarda 15−18 m/s gacha kuchayadi, shimolda, janubda va cho‘l hududlarda ba’zida 20−22 m/s gacha kuchayishi, ayrim joylarda chang-to‘zonlar bilan kuzatilishi mumkin.

20-iyul – dushanba kuni respublika hududining katta qismida ekstremal issiq ob-havo saqlanib turadi. Faqat O‘zbekistonning shimoli-g‘arbiy hududlarida havo harorati pasayishi boshlanadi.

21-iyul – seshanba kuni respublikaning barcha hududlari bo‘yicha issiq chekina boshlaydi. Havo harorati 6−9 darajaga pasayishi prognoz qilinmoqda.

Toshkentda asosan kam bulutli ob-havo kuzatiladi. Juma kunduzgi havo harorati +41…+43 daraja, shanba va yakshanba kunlari +43…+45 daraja, kechalari esa harorat +25…+28 daraja bo‘ladi.

Seshanbadan harorat 6−9 darajaga pasayishi va issiq chekinishi kutilmoqda.

• Dam olish kuni
• Ob-havo
• O‘zgidromet
• issiq