2023-yil 21-dekabr kuni Daryo.uz saytida e’lon qilingan “Mediapark servis xizmati yo‘q televizor sotmoqda. Bu xaridorni aldashmi yoki ustidan kulish?” maqolasi va YouTube platformasidagi Daryo.uz kanalida “Mediaparkning noqonuniy tovar sotayotgani ma’lum bo‘ldi” nomli joylashtirilgan videosi yuzasidan “MEDIAPARK GROUP” mas’uliyati cheklangan jamiyati quyidagilarni ma’lum qilgan:

“Maqolada keltirilgan mahsulot O‘zbekiston Respublikasi hududida foydalanishga muvofiqlik sertifikatiga ega va qonuniy import qilingan hisoblanadi.

“MEDIAPARK GROUP” MCHJ o‘z mijoziga g‘amxo‘rlik ko‘rsatgan holda ishlamay qolgan mahsulot pultini bepul almashtirib berishni taklifini bildirgan.

Mijozga rasmiy SAMSUNG servis markazlarining kafolatlangan servis xizmatini ko‘rsatishni rad etish holati “SAMSUNG ELECTRONICS UZBEKISTAN” MCHJ XKning ichki kompyuter tizimida texnik xato natijasida yuzaga kelgan. Rasmiy servis xodimlari o‘z tizimlaridagi nosozlikdan bexabar ma’lumot berishgan. Bu bo‘yicha “SAMSUNG ELECTRONICS UZBEKISTAN” MCHJ XK keltirilgan noqulaylik uchun rasmiy uzr so‘ragan.

Hurmatli mijozlar! “MEDIAPARK GROUP” korxonasi hamisha mijozlari haqida qayg‘uradi va faqat rasmiy kafolatlangan, servis xizmati mavjud mahsulotlarni taqdim etadi”.

• Samsung
• Toshkent
• rasmiy munosabat