Oliy Majlis Qonunchilik palatasining Sanoat, qurilish va savdo masalalari qoʻmitasi raisi Vahobjon Murodqobilov “Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi qonun loyihasi haqida fikr bildirdi.

“Hozirda “Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Konstitutsiyaviy qonuni loyihasi tayyorlandi va ayni paytda aholi orasida qizgʻin muhokama qilinib, koʻplab takliflar olinmoqda.

Yuz berayotgan yangilanishlarga mos ravishda ishlab chiqilgan Konstitutsiyaviy qonun loyihasi Bosh qomusimizning 64 ta moddasiga 200 dan ortiq oʻzgartirishlar kiritishni nazarda tutadi.

Ayni davrda davlat byudjeti toʻgʻrisidagi maʼlumotlarning ochiq va shaffof boʻlishi gʻoyat muhim. Ushbu qonun loyihasida davlat byudjetini koʻrib chiqish va qabul qilish tartib-taomili jamiyat uchun ochiqligi, davlat fuqarolarning byudjet jarayonida faol ishtirok etishi uchun zarur chora-tadbirlarni koʻrishi belgilanyapti”, – deydi Sanoat, qurilish va savdo masalalari qoʻmitasi raisi.

• Fikr
• Loyiha
• Oliy Majlis