QHTBT portalida Adliya vazirligi tomonidan ishlab chiqilgan Davlat xizmatchilarining odob-axloq kodeksi loyihasi muhokama uchun joylashtirilgan. Kodeks 2022-yil 1-yanvardan kuchga kiritilishi rejalashtirilmoqda.

Xabarda berilishicha, kodeks 6 bob va 53 moddadan iborat, u tegishli davlat organlari va mahalliy o‘zini o‘zi boshqarish organlari tomonidan davlat xizmatchilarining kasbiy faoliyatini amalga oshirish uchun odob-axloq kodekslarini ishlab chiqish uchun asos bo‘lib xizmat qiladi.

Quyidagilar davlat xizmatchilarining kasbiy faoliyatini amalga oshirishdagi asosiy prinsiplar etib belgilandi:
- qonuniylik;
- adolatlilik;
- fuqarolarning huquqlar, erkinliklar va qonuniy manfaatlari ustuvorligi;
- vatanparvarlik va xizmat burchiga fidoyilik;
- davlat va jamiyat manfaatlariga sadoqat;
- halollik va xolislik;
- ochiqlik va korrupsiyaga toqatsizlik;
- professionallik va layoqatlilik;
- samaradorlik va tejamkorlik.

Shuningdek fuqarolarning davlat xizmatchisi tomonidan Kodeks talablariga rioya etilmaganligi, shuningdek korrupsion harakatlar sodir etilganligi haqidagi xabar va shikoyatlarini ko‘rib chiqish tartibi belgilangan.

Davlat xizmatchisi faoliyatidagi asosiy cheklovlar jumlasiga quyidagilar ham kiritildi:
- tadbirkorlik va haq to‘lanadigan boshqa turdagi faoliyat bilan shug‘ullanish;
- o‘z xizmat mavqeini suiiste’mol qilgan holda fuqarolar, jamiyat va davlatning qonuniy manfaatlariga zarar yetkazish orqali shaxsiy foydani olish;
- o‘z xizmat vazifalarini bajarishi munosabati biror-bir moddiy boyliklarni olish yoxud jismoniy yoki yuridik shaxslardan boshqacha naf ko‘rish.

• Adliya
• Loyiha