Prezidentning tegishli Farmoniga asosan, 2022-yil 1-yanvardan davlat xizmatchilariga xorijda bank hisobraqamlarini ochish, naqd pul mablag‘larini saqlash va boshqa mol-mulkka ega bo‘lish taqiqlanmoqda.

Shuningdek, mazkur hujjat bilan 2022-yil 1-yanvardan:

– davlat xizmatchilari, davlat ulushi 50 foizdan yuqori tashkilotlar, davlat korxonalari va muassasalari rahbarlari va o‘rinbosarlari, ularning turmush o‘rtog‘i va voyaga yetmagan farzandlarining daromadlari va mol-mulkini majburiy deklaratsiya qilish tizimi joriy etiladi.

Deklarasiyani berishdan bosh tortish va qasddan noto‘g‘ri ma’lumotlarni kiritish uni davlat xizmatidan chetlashtirishga va javobgarlikka sabab bo‘ladi.

– Minimal iste’mol xarajat miqdorlaridan kambag‘allik mezoni hamda kam ta’minlangan deb e’tirof etishda jon boshiga bir oylik daromad mezoni sifatida foydalaniladi.

Davlat statistika qo‘mitasi 2022-yildan boshlab inflyatsiya darajasidan kelib chiqib Minimal iste’mol xarajat miqdorlarini har yili 20-yanvarga qadar e’lon qilib boradi.

• Davlat byudjeti
• Deklaratsiya
• Farmon
• Prezident