Denovda Yangi O‘zbekiston bog‘i barpo etilmoqda

O'zLiDeP Siyosiy Kengashi Ijroiya qo‘mitasi raisi, Oliy Majlis Qonunchilik palatasi Spikeri o‘rinbosari Aktam Xaitov partiyaning hududiy vakillari bilan birgalikda tumanda “Yangi O‘zbekiston bog‘i” namunasi asosida tashkil etilayotgan ushbu bog‘ga mevali daraxt ko‘chatlarini o‘tqazgan.

Ma’lumotlarga ko‘ra, Aktam Xaitov Denov tumanida bo‘lib, tumandagi xalq ta’limi xodimlari bilan uchrashib, O‘zbekistonning kelgusi 5 yil davomida yuradigan yo‘li, strategiyasi aniq ekanligi haqida ta’kidlab o'tgan. Bu haqida Shavkat Mirziyoyevning “Yangi O‘zbekiston strategiyasi” kitobida batafsil qayd etilgan. Shuningdek, ushbu kitob barcha maktablarda bo‘lishi, o‘qituvchilar uni o‘qib, kelajak avlod vakillariga so‘zlab berishi lozimligi ta'kidlangan.

Jumladan, spiker o‘rinbosari tumandagi Sobir Raximov SIU “O‘zbekiston” mahallasi hududidagi 500 gektar joyda “Yashil makon” loyihasi doirasida barpo etilayotgan yangi bog‘ga ham tashrif buyurgan.

Xabarda keltirilishicha, Prezidentimizning tashabbusi bilan o‘tkazilayotgan mazkur loyihada har yili xonadon, ko‘cha, mahalla, qishloq va shaharlarda 200 million tup iqlimimizga mos daraxt ko‘chatlari ekilishi nazarda tutilgani aytib o‘tilgan.

• O‘zbekiston
• tabiat