Uchtepa tumani kengashi deputati, O‘zLiDeP a’zosi Nuriddin Zaynitdinov “siyosiy buyurtma” bilan unga qarshi “provokasiya” va bosim uyushtirilayotgani haqida bayonot berdi.

“Oxirigi voqealar fonida amaldagi deputatlik faoliyatimni yakunlash va partiya safidan chiqib ketish va boshqa siyosiy jarayonlarda ishtirok etmaslik fikriga keldim.

Agar shunday qaror qabul qilsam, tushuningki, yetarli asoslar bor”,  deydi u.

Deputatning bildirishicha, bosimlar yaqinda tumanda bo‘shab qolgan o‘rinlarga deputatlik saylovlaridan so‘ng boshlangan. Unda bo‘shagan uchta o‘rindan ikkitasini O‘zLiDeP qo‘lga kiritgan edi.

Deputat hozircha aynan kimlar tomonidan bosimga uchraganini ochiqlamagan.

“Prezident talablarini o‘z bilganicha ishlatadigan rahbarlar bor ekan, odam bo‘lishimiz qiyin.

Deputat xalq vakili ekan, bu amalda shunday bo‘lishi kerak qog‘ozda emas.

“Siyosiy byurtma” bilan menga qarshi deputatlik faoliyatim uchun provokasiyalar uyushtirilayotgani va menga bosim o‘tkazilayotgani, meni obro‘sizlantirish, nomimni bulg‘ashga urinishlar menga ishongan va meni saylagan xalqga nisbatan qilingan xiyonatdir”, – deydi deputat.

• Deputat
• Qonunchilik palatasi
• Toshkent