Oliy Majlis Qonunchilik palatasi deputati Rasul Kusherbayev O‘zkomnazorat boshlig‘iga Twitter‘ning bloklanishi masalasida deputatlik so‘rovi kiritganini maʼlum qildi.

U, shuningdek, bu kabi cheklovlar internet foydalanuvchilari orasida salbiy oqibatlarni keltirib chiqarishi mumkinligidan o‘z xavotirini bildiradi.

“Bu masalada asoslantirilgan tushuntirish berish va cheklovni olib tashlash choralarini ko‘rish masalasidagi talab bilan deputatlik so‘rovi kiritdim.

Fikrimcha, bu kabi cheklovlar ijobiy natijadan ko‘ra, ko‘proq salbiy oqibat keltirib chiqarmoqda. Chunki foydalanuvchilar Internetdagi “blok”larni aylanib o‘tish maqsadida turli VPN dasturlaridan foydalanish ortidan boshqa xavfli va taʼqiqlangan manbalardan ham foydalanishga o‘tib, kattaroq huquqbuzarliklarga yo‘l qo‘yishmoqda”, – deydi deputat.

Tartibga ko‘ra, mazkur deputatlik so‘roviga O‘zkomnazorat 10 kun ichida javob berishi kerak bo‘ladi.

• Deputat
• Kusherbayev
• O‘zkomnazorat
• Twitter