BBC 2024-yil uchun dunyoning 100 nafar ilhomlantiruvchi va ta’sirli ayollar ro‘yxatini e’lon qildi. Quvonarlisi, ushbu ro‘yxat tarkibida tinchlik bo‘yicha Nobel mukofoti sovrindori Nadya Murad, aktrisa Sheron Stoun qatorida o‘zbekistonlik tadbirkor Dilorom Yo‘ldosheva ham bor.

Ma’lum bo‘lishicha, ikki yil avval Dilorom Yo‘ldosheva baxtsiz hodisa oqibatida ikkala oyog‘ini yo‘qotgan. Shundan so‘ng u umidsizlikka tushmadi va o‘zining tikuvchilik biznesini ochdi. Ishchilar va maktab o‘quvchilari uchun kiyim tikish bo‘yicha shartnomalar tuzib, o‘zi va o‘nlab boshqa ayollarni daromad bilan ta’minladi.

“Dunyoning 100 nafar ayoli” loyihasi shuni ko‘rsatmoqdaki, dunyoning turli burchaklaridagi ayollar duch kelayotgan barcha qiyinchiliklarga qaramasdan, ularning ko‘pchiligi o‘z zimmasiga yetakchilik vazifasini olib, jamiyatdagi o‘zgarishlar uchun kurashishni davom ettirmoqda.

Adliya vazirligi axborot xizmatidan ma’lum qilishlaricha,  Dilorom Yo‘ldosheva Adliya vazirligi tomonidan yo‘lga qo‘yilgan “Madad” ijtimoiy-huquqiy loyihasining ilk ishtirokchisidir. Bundan tashqari, u “Matonat” filmining bosh qahramoni hisoblanadi.

• Tadbirkorlik