Ukraina Oliy Radasida 240 nafar deputat Kulebaning iste’fosi uchun ovoz bergan, faqat bir kishi bunga qarshi chiqqan. Siyosatchi hafta boshida bir qancha vazirlar va bosh vazir o‘rinbosarlari kabi iste’fosini Ukraina parlamentiga taqdim etgandi. 5-sentyabr kuni Oliy Radada bu masala bo‘yicha ovoz berish bo‘lib o‘tgan.

Jarayonda Dmitriy Kuleba ishtirok etmagan va hisobot taqdim qilmagan. Ukraina TIV rahbarligiga asosiy nomzod tashqi ishlar vazirining amaldagi birinchi o‘rinbosari Andrey Sibiga bo‘lishi kutilmoqda.

Ukrainalik siyosatchi Dmitriy Kuleba 1981-yil 19-aprelda Sumi shahrida tug‘ilgan. 2003-yilda Taras Shevchenko nomidagi Kiyev milliy universitetining Xalqaro munosabatlar institutini xalqaro huquq mutaxassisligi bo‘yicha imtiyozli diplom bilan tamomlagan.

2019-yil avgustdan 2020-yil martgacha — Ukrainaning Yevropa va Yevroatlantika integratsiyasi bo‘yicha bosh vazir o‘rinbosari lavozimida faoliyat yuritgan va 2020-yil 4-martdan Ukraina tashqi ishlar vaziri etib tayinlangan edi.

Shunga qaramasdan, sobiq vazir yangi lavozimda ish boshlaganligi aytilmoqda.
“Dmitriy Kuleba Garvard universitetining JFK boshqaruv maktabi qoshidagi “Belfer” nomli fan va xalqaro munosabatlar markazining katta ilmiy xodimi bo‘ldi”, – deya xabar tarqatgan o‘quv muassasa veb-sayti.

• Kuleba
• Ukraina