Turkiya prezidenti Rajab Toyyib Erdo‘g‘an Xalich universitetida “ayollar va demokratiya” jamg‘armasi tomonidan tashkil etilgan “sun’iy intellekt va ayollar” mavzusiga bag‘ishlangan 6-xalqaro “ayollar va adolat” sammitining ochilish marosimida nutq so‘zladi.

Prezident o‘z nutqida shunday degan: “AQSh prezidenti etib saylangan Janob Tramp bilan telefon orqali suhbatda biz uni tarixiy saylov g‘alabasi bilan tabrikladik va G‘azo hamda Livandagi qirg‘inlarga e’tibor qaratdik. Tramp o‘zining ikkinchi prezidentlik muddati davomida sobiq ma’muriyatning noto‘g‘ri siyosatidan voz kechishini kutamiz”.

Shuningdek, Turkiya davlati rahbari o‘z nutqini quyidagi so‘zlar bilan davom ettirgan: “Urushlar, mojarolar va vayronagarchiliklar nafaqat shaharlar, mamlakatlar va uy xo‘jaliklariga ta’sir qiladi. Ularning qurbonlari begunoh, nochor, zaif, keksa, bolalar va eng avvalo ayollardir”.

Qayd etilishicha, so‘nggi 13 oy ichida G‘azoda o‘ldirilgan 50 mingdan ortiq begunoh odamlarning uchdan ikki qismi ayollar va bolalardir.

• Erdogʻan
• Tramp