AQShning sobiq prezidenti Donald Tramp amaldagi davlat rahbari Jo Bayden bilan munozaraga tayyor ekanini aytdi. Bu haqda u ijtimoiy tarmoqdagi sahifasida yozgan, deya xabar bermoqda “Mir24”.

Qayd etilishicha, Tramp istalgan vaqtda va istalgan joyda, jumladan, Nyu-York sudida bahs o‘tkazishi mumkinligini ta’kidlagan. AQShning sobiq prezidenti Baydenning intervyu vaqtida aytgan bayonotiga shunday javob berdi.

“O‘g‘ri Jo Bayden munozaraga tayyor ekanini ma’lum qildi. Uning jiddiy emasligini hamma biladi, lekin agar u jiddiy bo‘lsa, men: “Hamma joyda, istalgan vaqtda, har qanday joyda” deyman. Keling, sudda milliy teledebat o‘tkazaylik. Men kutaman”, deb yozgan Tramp.

Nyu-York sudida Tramp kompaniyasining moliyaviy hujjatlarini qalbakilashtirish ishi bo‘yicha tinglovlar bo‘lib o‘tmoqda. Saylovoldi safari tufayli Bayden ham hozircha shaharda.

• Bayden
• Sud
• Tramp