AQShning sobiq prezidenti Donald Tramp shahzoda Garrining rafiqasi, sobiq aktrisa Megan Marklni qirolicha Yelizaveta II ga nisbatan hurmatsizlik qilishda aybladi. Uning fikricha, gersoginya turmush oʻrtogʻidan oʻz maqsadlari yoʻlida foydalanyapti.

“Men uning muxlisi emasman. Boshidanoq bunday boʻlmagan... Oʻylashimcha, u qirolichaga – shunday buyuk ayol, ajoyib inson, tarixiy shaxsga nisbatan hurmatsizlik bilan munosabatda boʻlyapti”, dedi Donald Tramp. U Megan Marklni Buyuk Britaniya qirollik oilasiga behurmatlik qilgani uchun qoralagan.

Donald Trampning fikricha, Megan Markl turmush oʻrtogʻini oilasidan ayirib, qirolichaga ozor yetkazgan. Milliarder Megan Garridan ustomonlik bilan foydalanyapti degan fikrda va uning aytishicha, “Garri bu ishlardan hali qattiq afsuslanadi”.

Megan Marklning Buyuk Britaniya qirollik oilasi bilan munosabatlari keskinligicha qolmoqda: avvaliga u turmush oʻrtogʻi bilan birga qirollik oilasi aʼzosi maqomidan voz kechdi, alohida yashash uchun AQShga koʻchib oʻtdi. Jurnalist Opra Uinfriga bergan intervyusida esa turmush oʻrtogʻining qarindoshlarini irqchilikda ayblagan edi.

• Birja
• mashhurlar