AQSh sobiq prezidenti Donald Tramp Oq uydagi faoliyati haqida kitob yozmoqchi. Bu haqda Newmax TV’ga bergan intervyusida ma’lum qildi.

AQShning 45-prezidenti Donald Tramp to‘rt yillik faoliyati haqida memuar yozmoqda. Bu haqda Trampning o‘zi jurnalistlarga bergan intervyusida o‘z xotiralarini yozayotgani va bu kelgusida kuchli asarlar yonidan joy olishi mumkinligini aytgan.

Shuningdek, Tramp o‘zining bo‘lajak kitobi nashriyotlarda katta qiziqish uyg‘otganini qo‘shimcha qilib o‘tgan. Biroq, sobiq prezident kitobining qanday mavzuda ekanini hamda uning nashr etilish muddatini ochiqlamagan.

Ma’lumot uchun, Tramp 2017-2021 yillarda AQSh prezidenti bo‘lgan. Uning eng birinchi va mashhur asari 1987 yil jurnalist Tom Shvarsem bilan hammualliflikada yozilgan bo‘lib, “The Art of Deal” (Bitim san’ati) nomi bilan chop etilgan. Mazkur kitob 1 million nusxaga yaqin sotilgan.

Bundan tashqari Donald Tramp mualliflik qilgan o‘nlab nomdagi kitoblar bor.

• AQSh
• Tramp