Bugun DXRda avtobus ishtirokida avariya yuz bergan, natijada 3 kishi halok bo‘lib, 27 kishi jarohat olgan. Bu haqda Rossiya Federatsiyasi Ichki ishlar vazirligi xabar bermoqda.

Avtobus Krasnodar – Donetsk yo‘nalishi bo‘yicha ketayotgan bo‘lgan. 59 yoshli haydovchi boshqaruvni yo‘qotib, yo‘ldan chiqib ketishi oqibatida avtobus ag‘darilib ketgan.

“Avtobus haydovchisi yo‘l va ob-havo sharoitlarini hisobga olmasdan, xavfsiz boshqaruvni tanlamagan, natijada nazoratni yo‘qotgan”, – deyiladi vazirlik o‘z bayonotida.

Ma’lum bo‘lishicha, jarohat olganlar orasida to‘rt nafar bola ham bor. Ammo, jabrlanganlarning holati to‘g‘risida hali ma’lumot berilmagan.

• Avtobus
• Donetsk
• Rossiya
• YTH