Jahon sog‘liqni saqlash tashkiloti (JSST) ma’lumotlariga ko‘ra, COVID-19’ning “omikron” varianti 89 mamlakatda topilgan va emlash darajasi yuqori bo‘lgan davlatlarda tez tarqalmoqda.

Biroq, “omikron”ning immun tizimini chetlab o‘tish qobiliyatiga ega yoki uning yuqimlilik darajasi yuqori bo‘lgani bilan bog‘liqligi hali aniq emas.

Shuningdek, JSST vaksinalarning “omikron”ga nisbatan samaradorligi, hamda yangi shtamm keltirib chiqaradigan kasallikning qanday kechishi to‘g‘risida aniq ma’lumotlarga ega emas.

Qayd etilishicha, “omikron” “delta” variantiga qaraganda ancha tez tarqaladi. Har 1,5-3 kunda “omikron” holatlari ikki barobar ortgan, emlanganlar orasida esa kasallik yengil kechgan.

Eslatib o‘tamiz, avvalroq, koronavirus bilan kasallanishning keskin o‘sishi tufayli Niderlandiyada yana qat’iy lokdaun joriy etilgani, Londonda esa favqulodda holat rejimi e’lon qilingani haqida xabar berilgan edi.

• COVID-19
• JSST
• koronavirus