Dunyoda hali hanuz davom etayotgan qurolli mojarolar, iqlim o‘zgarishi va COVID-19 pandemiyasi oqibatidan aziyat chekayotganlar soni ortib bormoqda. BMT gumanitar masalalarni muvofiqlashtirish boshqarmasi hisobotiga ko‘ra, 2022-yilda Afg‘oniston, Efiopiya va dunyoning boshqa mamlakatlaridagi 274 million kishi ijtimoiy, moddiy yordamga muhtoj bo‘lishi mumkin. Ya’ni dunyoda har 29 kishidan biri ko‘makka muhtoj bo‘lishi taxmin qilinmoqda.

Ma’lumotlarga ko‘ra, 2021-yil yilda ushbu raqamlar 250 million nafar kishini tashkil qilgan. Shuningdek, kelgusi yil dunyoning 43 mamlakatida 45 millionga yaqin kishi ocharchilik tufayli aziyat chekishi qayd qilingan.

BMT Bosh kotibining gumanitar masalalar bo‘yicha o‘rinbosari Martin Griffitsning aytishicha, dunyoning eng ehtiyojmand 63 mamlakatidagi 180 milliondan ortiq aholiga gumanitar yordam ko‘rsatish uchun BMTga 41 milliard AQSh dollar (36 milliard yevro) kerak. Hozircha, 17 milliard AQSh dollar (15 milliard yevro) ajratilishi bo‘yicha kelishuv rejalashtirilgan.

• BMT
• Jahon