Vodafone o‘zining birinchi sms-xabarini 225 ming AQSh dollariga auksionga qo‘ydi, bu taxminan 2 mlrd 450 mln so‘mdan oshiqroq.

Britaniya aloqa kompaniyasiga tegishli bo‘lgan ushbu xabar “Merry Christmas” (rojdestvo muborak) degan oddiy matndan iborat. Ushbu xabar 1992-yilning 3-dekabrida jo‘natilgan bo‘lib, uning muallifi Nil Papuort. Xabar kompyuter orqali Nilning boshlig‘i, kompaniya direktori Richard Jarvisga yuborilgandi.

“O‘ttiz yillar muqaddam xabar jo‘natish mobil texnologiyalar tarixida hal qiluvchi ahamiyat kasb etgandi”, deydi  Vodafone kompaniyasi bosh direktori Hannes Ametsrayter.

Qayd etilishi bo‘yicha, auksiondan tushgan mablag‘ BMTning qochoqlar masalasi bilan shug‘ullanuvchi agentligiga yo‘naltiriladi.

• Britaniya
• texnologiya