Filippinda dunyoning eng keksa ayoli Fransiska Susano vafot etdi. U XІX asrda dunyoga kelgan va 124 yoshida hayotdan koʻz yumgan.

Susano dushanba kuni tunda oʻz uyida vafot etgani aytilmoqda. Uning aynan nima sababdan hayot bilan vidolashgani aniq emas. Taxminlarga koʻra, ayolning oʻlimiga koronavirus sabab boʻlgan. Ayni vaqtda ekspertiza tekshiruvlari boshlangan.

Taʼkidlash kerakki, joriy yilning sentyabr oyida Ginness rekordlari kitobi vakillari Fransiska Susanoni dunyodagi eng keksa inson deb rasman eʼlon qilish uchun uning hujjatlarini tekshira boshlagan edilar.

Maʼlumot uchun, Fransiska Susano 14 farzandni dunyoga keltirgan. U butun umri davomida fermada ishlagan va uzoq umr koʻrish sirini tabiiy sabzavotlar isteʼmolida deb bilgan.

• Jahon