Kompyuterlar uchun protsessorlar ishlab chiqaruvchi Nvidia aksiyalarining bozor qiymati qisqa vaqt ichida 3,53 trillion dollarga yetdi. Bu haqda Reuters xabar berdi.

Qayd etilishicha, aksiyalari qiymati rekord darajada o‘sgan Nvidia kompaniyasi Apple o‘rniga dunyodagi eng qimmat kompaniyaga aylangan. Nvidia’ning sun’iy intellektga ixtisoslashgan chiplariga bo‘lgan talab ortib ketgan.

Ma’lumotlariga ko‘ra, Nvidia aksiyalarining bozor qiymati qisqa vaqt ichida 3,53 trillion dollarga yetgan, bu Apple’nikidan biroz yuqori — uning qiymati 3,52 trillion dollarga baholanmoqda.

Iyun oyida ham Nvidia Microsoft va Apple’ni ortda qoldirib, qisqa muddatga dunyodagi eng qimmat kompaniyaga aylangan edi. Texnologik uchlikning bozor kapitalizatsiyasi bir necha oydan beri bir-biriga juda yaqin.

Xususan, Microsoft’ning bozor qiymati 3,2 trillion dollarga yetgan, aksiyalari narxi esa 1,3 foizga qimmatlashgan.

• Apple
• Microsoft