Fransiya sud hokimiyati 25-avgust, yakshanba kuni 39 yoshli Telegram asoschisi Pavel Durovning qamoq muddatini yana 48 soatga uzaytirgan.

OAV ma’lumotlariga ko‘ra, Durovni hibsga olish to‘g‘risidagi order firibgarlik, giyohvand moddalar savdosi, kiberbulling, tashkiliy jinoyatlar, bolalarga qarshi jinoyatlar, terrorizmni targ‘ib qilish bo‘yicha dastlabki tergov doirasida berilgan.

Durov 24-avgust kuni kechqurun Le Burje aeroportida hibsga olingan. Jurnalistlarning ta’kidlashicha, so‘roq qilish uchun hibsga olishning dastlabki davri maksimal 96 soatgacha davom etishi mumkin. Shuningdek, ushbu vaqt ichida Durov ayblanishi yoki ozod qilinishi kerak.

Qayd etilishicha, Fransiya hukumati va huquqni muhofaza qilish organlari Durovning hibsga olinishi haqida hali ham izoh bermagan.

• Durov
• Fransiya
• Telegram