Ichki ishlar organlari tizimining “Topilmalar stoli” funksiyasi Davlat xizmatlari markazlariga oʻtkazilmoqda.

Normativ-huquqiy hujjatlar loyihalari muhokamasi portalida Davlat xizmatlari agentligi tomonidan ishlab chiqilgan “Davlat xizmatlari markazlari tomonidan yoʻqolgan ashyolarni qabul qilish, saqlash va ularni egalariga qaytarish yoki ularni davlat arxiv idoralariga topshirish boʻyicha davlat xizmati koʻrsatishni yoʻlga qoʻyish toʻgʻrisida”gi Hukumat qarori loyihasi eʼlon qilindi.

Loyihaga koʻra, 2022-yil 1-martdan boshlab ichki ishlar organlari tizimining “Topilmalar stoli” funksiyasi Davlat xizmatlari markazlariga oʻtkazilmoqda.

Bunda, topilmalar ularni topib olgan shaxslar tomonidan respublikaning istalgan joyidagi Markazlarga topshirilishi va hamma uchun ochiq boʻlgan axborot tizimiga har bir topilma haqida maʼlumot joylashtirilishi belgilanadi.

Maʼlum qilinishicha, yoʻqotilgan ashyolarni qidirish uchun Davlat xizmatlari markazlariga murojaat qilish oʻzi kelgan holda yoki onlayn, Yagona interaktiv davlat xizmatlari portali orqali amalga oshiriladi.

• Loyiha