Joriy yilning avgust oyida Motorola kompaniyasi o‘zining Edge 20 Pro smartfonini xaridorlarga taqdim etgandi. Fransuzlarning DxOMark laboratoriyasi shu kunlarda yangi smartfon kamerasini sinovdan o‘tkazdi.

Eslatib o‘tamiz, smartfon kamerasi 108 MP li asosiy modulga, 16 MP "kengburchak" va 8 MP li 5-barobar kattalashtiradigan optik zum hamda optik stabilizasiyaga ega periskopli telefotomoduldan iborat.

Testlar natijasiga ko‘ra, kamera 105 ball to‘pladi. Samsung Galaxy A72, OPPO Reno4 5G, Realme GT Neo kabi smarfonlar kamerasi ham xuddi shunday ball to‘plagan, ammo Huawei P50 Pro flagmani ushbu testlarda 144 ball olganini nazarda tutsak, Edge 20 Pro kamerasi u qadar ham zo‘r emasligi guvohi bo‘lish mumkin.

Ma’lumot uchun, ushbu smartfon O‘zbekiston bozorlarida taxminan 4 mln 600 ming – 5 mln 600 ming atrofida narxlanmoqda.

• texnologiya