Endilikda elektr energiyasini ishlab chiqarish, uzatish, taqsimlash, saqlash, elektr energiyasi bilan ta’minlash, markaziy xaridorning funksiyalarini bajarish, elektr energiyasi savdosi, importi va eksporti litsenziya asosida amalga oshirilishi belgilanmoqda. Bu haqda UzA xabar berdi.

Shuningdek, energetika bozori ishtirokchilarining maqomi, huquqlari, majburiyatlari va javobgarligi qonun bilan mustahkamlanmoqda.

“Ushbu tartiblarni o‘z ichiga olgan “Elektr energetika to‘g‘risida”gi qonun loyihasi Oliy Majlis Qonunchilik palatasidagi O‘zbekiston Xalq demokratik partiyasi fraksiyasining yig‘ilishida ikkinchi o‘qishda ko‘rib chiqildi. Unga ko‘ra, elektr energiyasi bozorini tashkil etishga oid qoidalar, elektr energetikasi sohasida tariflarni shaffof tamoyillar asosida shakllantirish tartiblari nazarda tutilmoqda”, deyiladi xabarda.

Fraksiya a’zolari qayd etganidek, kiritilayotgan yangi normalar sanoatni rivojlantirish, iqtisodiy o‘sishni ta’minlash, ishonchli, xavfsiz hamda barqaror elektr ta’minoti tizimini yaratishga xizmat qiladi.

• Elektr energiyasi