Oʻzbekistonda da 7 oy mobaynida qancha aholi qaysi vaksina bilan emlanganligi boʻyicha maʼlumot berildi. Bu haqda SSV maʼlum qildi. 

Qayd etilishicha, emlash jarayonlarida ZF-UZ-VAC2001 vaksinasining 20 mln. 557 091 dozasidan foydalanilgan.

Shundan 10 mln. 369 913 dozasi 1-bosqichda, 5 mln. 929 066 dozasi 2-bosqichda hamda 4 mln. 258 112  doza 3-bosqichda foydalanilgan. Mazkur koʻrsatkich jami qoʻllanilgan vaksinaning 78 foizini tashkil qilgan. 

Bundan tashqari, emlash boshlanganidan beri 274 ming nafardan ortiq aholi ikki komponentli Sputnik-V bilan turli bosqichlarda jami 498 406 dozada emlangan.

Shundan 274 821 doza 1-bosqichda, 223 585 doza esa 2-bosqichda boʻlib, jami qoʻllanilgan vaksinaning 2 foizini tashkil qilgan.

Shuningdek, emlash boshlanganidan beri AstraZeneca vaksinasidan 1 mln. 448 211 doza qoʻllanilgan.

Oʻzbekistonga keltirilgan eng birinchi koronavirusga qarshi mazkur vaksinadan 798 703  dozasi 1-bosqichda, 649 508 dozasi 2-bosqichda boʻlib, jami qoʻllanilgan vaksinaning 5 foizini tashkil qilgan.

Yurtimizga keltirilganiga hali koʻp vaqt boʻlmagan Moderna vaksinasining 2 865 418 dozasi bilan 1 million 371 ming nafardan ortiq aholi emlangan. 

Shundan 1 mln. 493 482 dozasi 1-bosqichda, 1 mln. 371 936 dozasi 2-bosqichda boʻlib, jami qoʻllanilgan vaksinalarning 11 foizini tashkil qilgan.

Keltirilishicha, Oʻzbekistonda 1 mln. 015 920 doza AQShda ishlab chiqarilgan Pfizer vaksinasi qoʻllanilgan. AQShda ishlab chiqarilgan Pfizer vaksinasining 1 015 920 dozasi emlash jarayonlarida foydalanilgan.

Shundan 672 103 dozasi 1-bosqichda, 343 817 dozasi 2-bosqichda boʻlib, jami qoʻllanilgan vaksinaning 4 foizini tashkil qilgan.

Oʻz navbatida, mamlakatimizga eng soʻnggi olib kelingan Sinovac vaksinasining 84 653 dozasi emlash jarayonlarida foydalanilgan.
Shundan 83 623 dozasi 1-bosqichda, 1 030 dozasi 2-bosqichda boʻlib, jami qoʻllanilgan vaksinaning 0,3 foizini tashkil qilgan.

• SSV