General Motors kompaniyasi asosiy e’tiborini elektr avtomobillariga qaratish niyati bo‘lgani uchun joriy yil noyabr oyidan Chevrolet Malibu avtomobillarini ishlab chiqarishni to‘xtatishini ma’lum qildi.

Kompaniya benzinda harakatlanadigan Chevrolet Malibu avtomobillarini ishlab chiqarishni yakunlaydi.

Ayni paytda ushbu avtomobil ishlab chiqarilayotgan Fairfax zavodi yangi avlod Bolt elektr xetchbeklari uchun ixtisoslashtiriladi General Motors Malibu. Bundan tashqari, xuddi shu zavod qisqa tanaffusdan keyin Cadillac XT4 krossoverini yig‘ishni yana davom ettiradi. Bolt’dan farqli o‘laroq, XT4 an’anaviy benzinli dvigatellar qatorini saqlab qoladi.

Eslatib o‘tamiz, 2012-yilning mart oyidan boshlab O‘zbekistonda ham Chevrolet Malibu avtomobilini yig‘ish boshlangandi. Ayni paytda ushbu avtomobil  UzAuto Motors tomonidan 419 mln so‘mdan xaridorlarga taklif qilinmoqda.

• General_Motors
• UzAuto