Kadrlarni boshqarishga oid hujjatlar yagona platformada yuritiladi. Bu haqda Vazirlar Mahkamasining
492-sonli qarori qabul qilindi.
Qarorga ko‘ra, 2023-yil 1-noyabrdan boshlab respublika va mahalliy ijro etuvchi hokimiyat organlari inson resurslarini boshqarishga oid hujjatlar elektron platformada (hrm.argos.uz) shakllantiriladi va yuritiladi.
Kadrlarga oid ma’lumot va hujjatlar quyidagi tizimlarga avtomatik yuboriladi:
davlat organi tuzilmasi, xodimlar bilan tuzilgan mehnat shartnomalari, qo‘shimcha bitimlar, vakant ish o‘rinlari to‘g‘risidagi ma’lumotlar YaMMT (my.mehnat.uz)ga;
qabul qilingan ichki idoraviy hujjat (buyruq, qaror va farmoyish)larni ijroga qaratish uchun edo.ijro.uz axborot tizimiga;
xodimlarga oylik ish haqi va unga tenglashtirilgan to‘lovlarni to‘lash uchun zarur ma’lumotlar UzASBO dasturiy majmuasiga.
Kadrlar ishi raqamlashtirildi, ayni damda HRM.ARGOS.UZ axborot tizimiga 4 mingdan ortiq davlat idoralari ulandi.
Tizim qanday imkoniyatlarga ega?
qog‘oz sarfini kamaytiradi;
kadrlar bilan ishlash jarayonini tezkor boshqarish imkonini beradi;
axborot xavfsizligini ta’minlaydi;
davlat organlari va tashkilotlarining barcha xodimlari bo‘yicha yagona markazlashtirilgan ma’lumotlar bazasini shakllantiradi.
Bugunga qadar tizimga 4 mingdan ortiq tashkilotlar ulangan. Shuningdek, platforma samarali ishlashi uchun "kadrovik"lar bilan tizimli ishlar olib borilmoqda.
vacancy.argos.uz – vakant lavozimlar yagona ochiq portalining yangi talqini ishlab chiqiladi.
2023-yil 1-noyabrga qadar Davlat fuqarolik xizmati vakant lavozimlarining yagona ochiq (vacancy.argos.uz) portalining yangi talqini ishlab chiqiladi.
Shuningdek, davlat organlari rahbarlari 2023-yil 1-oktabrga qadar davlat organlarining markaziy apparati, hududiy va tuman (shahar) bo‘linmalarini elektron platforma (hrm.argos.uz)ga ulash choralarini ko‘radi.
34°
Kechasi 21°
