2022/2023 o‘quv yilidan boshlab pedagog kadrlar tayyorlovchi OTM kunduzgi taʼlim shaklida tahsil olayotgan 2-4-bosqich talabalari uchun haftalik o‘quv mashg‘ulotlari "4+2" tartibida tashkil qilinadi. Bu haqda Prezidentning “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari to‘g‘risida”gi qarorida belgilab qo‘yildi.

Unga ko‘ra, darslarning 4 kuni OTMda, 2 kuni maktabgacha va umumiy o‘rta taʼlim muassasalarida amaliyot o‘tash tartibida olib borilishi taʼminlanadi.

Shuningdek, har yili pedagog kadrlar tayyorlovchi OTM ixtisoslik kafedralarining kamida 5 foiz professor-o‘qituvchilarini ushbu muassasalarning byudjetdan tashqari jamg‘armalari hisobidan xorijiy davlatlarga tanlov asosida malaka oshirish va stajirovkaga yuborish choralari ko‘riladi.

2023/2024 o‘quv yili qabulidan boshlab pedagogik kadrlar tayyorlovchi OTMlarining mazkur qarorga 1-ilova (1-rasm)da ko‘rsatilgan taʼlim yo‘nalishlari bo‘yicha sirtqi taʼlim shakliga qabul amalga oshirilmaydi. 1-ilova (1-rasm)da ko‘rsatilmagan pedagogika sohasidagi taʼlim yo‘nalishlariga sirtqi taʼlim shakli bo‘yicha o‘qishga taʼlim tizimida pedagogik faoliyatga oid kamida besh yillik ish stajiga ega bo‘lgan shaxslar qabul qilinadi.

1-rasm

• Pedagogika
• Qaror