Markaziy bank boshqaruvi raisining tegishli buyrug‘i Adliya vazirligi tomonidan davlat ro‘yxatidan o‘tkazildi.

Unga ko‘ra, 2021-yilning aprel oyida Markaziy bank boshqaruvi qarori bilan tasdiqlangan O‘zbekiston hududida bank kartalarining chiqarilishi va muomalada bo‘lishi qoidalari to‘g‘risida nizomga qo‘shimcha kiritilgan.

Endilikda yuridik shaxslar mobil ilovalar orqali elektr energiyasi va tabiiy gaz uchun to‘lovlarni milliy valyutadagi korporativ bank kartalaridan foydalangan holda amalga oshirishi mumkin bo‘ldi.

2024-yilning dekabr oyida qabul qilingan prezident farmoni bilan belgilangan yo‘l xaritasida yuridik shaxslarga elektr energiyasi uchun to‘lovlarni korporativ kartadan mobil ilovalar orqali to‘lovlarni amalga oshirish tizimini joriy etish belgilangandi. Markaziy bank, Raqamli texnologiyalar vazirligi, “Hududiy elektr tarmoqlari” hamda “Hududgazta’minot”ga normativ-huquqiy hujjat loyihasini ishlab chiqish topshirilgan edi.

Farmonda elektr energiyasi uchun qarzdorlarni tarmoqdan uzib qo‘yish o‘rniga qarzdorlikni bo‘lib-bo‘lib to‘lash imkoniyatini nazarda tutilgan. Elektr energiyasi va gazdan foydalanish qoidalariga hisob-kitob davrida shartnomaviy miqdordan ortiqcha foydalanilgan resurslar uchun to‘lov bo‘yicha o‘zgartirishlar kiritildi.

• Elektr energiyasi
• Gaz
• O‘zbekiston
• Qaror
• karta