Fargʻona viloyat hokimi Hayrullo Bozorov sogʻlom turmush tarzini targʻib qilish maqsadida vazn tashlagan shaxslarni ragʻbatlantirish loyihalari haqida maʼlumot berdi. 

Jumladan, sog‘lom turmush tarziga amal qiluvchilarni qoʻllab quvvatlash loyihasiga koʻra, shaxslar tegishli poliklinikaga borib joriy vaznini belgilatib qoʻyadi. 6 oydan keyin vaznini yana qayta oʻlchatib, yoʻqotilgan har bir kilo uchun 500 ming soʻm beriladi. 

“5 kilo vazn tashlasa 2,5 million, 10 kilo vazn tashlasa 5 million pul oladi. Keyin unga pul berishning hojati qolmaydi. 10 kilo vazn tashlasa, oʻzi ham yengil boʻlib qoladi. Koʻzlari ochiladi. Dunyoga boshqacha koʻz bilan qarashni boshlaydi”, - degan Hayrullo Bozorov. 

• Farg‘ona
• hokim
• salomatlik