Oʻzbekistonning 25 yoshgacha boʻlgan fuqarolari uchun xorijga chiqish pasporti 5 yil muddatga berilmoqda.

Bu haqda bloger Davletovuz oʻzining Twitterʼdagi sahifasida maʼlum qilgan. Ilgari hujjat 16 yoshga toʻlmagan fuqarolarga 5 yil muddatga, 16 yoshdan oshgan fuqarolarga esa 10 yil muddatga berilar edi.

Qayd etilishicha, qonun hujjatlariga prezidentning 2022-yil 16-iyundagi qarori bilan oʻzgartirish kiritilgan. Rasmiy organlar va OAV pasport berish tartibini soddalashtirgan (xususan, uni roʻyxatdan oʻtgan joyidan qatʼi nazar olishga ruxsat etilgan) ushbu hujjat haqida xabar bergan, ammo yoshni 16 yoshdan 25 yoshgacha oshirish bandi eʼtibordan chetda qolgan.

Pasport olish boʻyicha aksariyat saytlar, jumladan, Yagona interaktiv davlat xizmatlari portalida hamon eski maʼlumotlar mavjud.

“Xorijga chiqish pasportini olish uchun murojaat qilgan ayrim oʻzbekistonliklarning bildirishicha, 22−23 yoshgacha boʻlgan har ikki jinsdagi fuqarolar bilan terrorizmga qarshi kurash boʻlimi vakili va mahalladagi uchastka inspektori suhbat oʻtkazgan.

Yoshlardan chetga chiqish maqsadi va xorijda qolish muddati, shuningdek, ota-onalarning sayohat haqida xabardorligi soʻraladi. Baʼzilar roʻyxatdan oʻtish joyida yoshlar bilan ishlash tashkilotidan maʼlumotnoma soʻrashganini aytmoqda”, — deyiladi xabarda.

• O‘zbekiston
• Pasport