Fransiyadagi yangi farmonga muvofiq, 2022-yil 3-yanvar, ya’ni, dushanba kunidan boshlab 6 yoshdan oshgan bolalar ham ochiq havoda va jamoat joylarida niqob taqib yurishi majburiy deb belgilandi. Bu esa kasallanishlar sonini kamaytirishga xizmat qilishi mumkin.

Shuningdek, oʻtgan hafta Fransiya Bosh vaziri Jan Kasteks bir qator boshqa cheklovlarni ommaga e’lon qilgan. Jumladan, 2022-yil yanvar oyidan boshlab haftada kamida uch kun masofaviy ishlash tartibi joriy etiladi.

Ma’lum qilinishicha, ushbu yangi qoidalarni buzgan kompaniyalar, korxonalar 50 ming yevrogacha jarimaga tortilishi mumkin. Shu bilan birga jamoat joylarida yig‘ilishlarda ishtirok etuvchi kishilar soni ham 5 ming nafardan oshmasligi kerakligi ta’kidlangan.

• Fransiya