“Iste’molchilarning huquqlarini himoya qilish to‘g‘risida”gi O‘zbekiston Respublikasi Qonuniga qo‘shimcha va o‘zgartirishlar kiritish haqida”gi Qonun Prezident tomonidan imzolandi. Unga ko‘ra, ishlab chiqaruvchi(ijrochi, sotuvchi) haqidagi, savdo va xizmat ko‘rsatish qoidalari to‘g‘risidagi ma’lumot iste’molchiga davlat tilida taqdim etiladi.

Shuningdek, tovarlar (ishlar, xizmatlar) uchun naqd pulsiz shaklda haq to‘langanda, iste’molchilarga rag‘batlantirishlar berilishi mumkin. Bundan tashqari shartnomaga iste’molchilarning qonunchilikda nazarda tutilgan huquqlarini kamsitadigan shartlarni kiritish, shuningdek ularga qonunchilikda belgilangan imtiyozlar va afzalliklarni bermaslik ta’qiqlanadi.

“Yangi qoidalarni amalda qo‘llashdagi asosiy muammo bu iste’molchi huquqlarini tan olmaydigan monopol korxona va tashkilotlarimiz tomonidan unga amal qilinmasligi bo‘lishi mumkin. Biroq kichik korxonalar bilan masala yo‘q, ular qonunlardan qo‘rqadi va hurmat qiladi”, – deydi mazkur qonunning qabul qilinishiga munosabat bildirgan Oliy Majlis Qonunchilik palatasi deputati Rasul Kusherbayev.

Shuningdek, Qonunda yana bir qator qo‘shimchalar kiritilgan bo‘lib, ular to‘liq iste’molchi manfaatlari uchun xizmat qilishi belgilangan.

• Iste’molchi
• Prezident
• Qonun