TikTok yangi platforma funksiyalarini sinovdan o‘tkazishni boshladi – vyetnamlik foydalanuvchilar ilovada o‘yin o‘ynashlari mumkin bo‘ladi, deb xabar bermoqda “Reuters” o‘z manbalariga tayanib. 

Qayd etilishicha, o‘yinlar platformaga reklama daromadini va foydalanuvchilarning ilovada o‘tkazadigan vaqtini oshirishga imkon beradi.

Fuqarolarining 70 foizi 35 yoshdan kichik boʻlgan texnologiyani yaxshi biladigan aholiga ega Vyetnam TikTok, Meta va YouTube kabi ijtimoiy media platformalari uchun jozibador bozor hisoblanadi. Shu sababli, nafaqat TikTok, balki Facebook va YouTube ham ko‘plab yangi mahsulotlarini bu yerda sinab ko‘rmoqda. Uchinchi chorakda esa qisqa video xizmati Janubiy Osiyoning boshqa mamlakatlarida test dasturini kengaytirishni rejalashtirmoqda.

Reuters xabariga ko‘ra, ByteDance (TikTok egasi) birinchi navbatda o‘z portfelidagi o‘yinlar to‘plamidan foydalanishni rejalashtirmoqda. Kelajakda servisda HTML5 appletlaridan ko‘ra murakkabroq o‘yinlar paydo bo‘lishi mumkin. O‘yin yo‘nalishi TikTok’ga daromad va foydalanuvchini ilovada ushlab turish vaqtini oshirishga imkon beradi. Shuningdek, o‘yinlar reklama orqali monetizatsiya qilinadi, mablag‘larning bir qismi ishlab chiquvchilarga o‘tadi.

• Jahon
• TikTok
• Vyetnam