Hukumat qarori bilan Yakka tartibdagi tadbirkorlar tomonidan yollangan xodimlarni davlat soliq xizmati organlarida hisobga qo‘yish tartibi to‘g‘risidagi nizom tasdiqlandi.

Mazkur Nizomga muvofiq, endilikda yakka tartibdagi tadbirkorlar 5 nafargacha xodim yollashi mumkin (ilgari 1-3 nafar edi).

YaTT bank hisobvarag‘i ochganidan so‘ng xodim yollash huquqiga ega bo‘ladi shuningdek, xodimni yollashda yozma mehnat shartnomasi tuzadi, ular tomonidan mehnat daftarchasi yuritilmaydi.

Bundan tashqari:

– YaTT xodimini soliqda hisobga qo‘yish uchun arizani shartnoma tuzgan vaqtdan 3 ish kunidan kechikmay soliq organiga beradi;

– Soliq organi 1 ish kunida xodimning hisobga qo‘yilganligiga oid kartochkani taqdim qiladi. YaTTlar xodim uchun daromad solig‘i va ijtimoiy soliq to‘laydi;

– YaTT faoliyati vaqtinchalik yoki butunlay to‘xtatilsa soliq organiga yuborgan xabarnomasi asosida soliq hisoblanishi to‘xtatiladi.   

• Hukumat
• Qaror