Turkiya Prezidenti Rajap Toyyib Erdo‘g‘an Eronda bo‘lib o‘tgan prezidentlik saylovlarida g‘alaba qozongan Masud Pezeshkiyan “aslida turk” ekanligini aytdi. Bu haqda siyosatchi Germaniyadan qaytganida samolyotda jurnalistlarga aytgan.

“Masud Pezeshkiyan aslida ozarbayjonlik turkdir. Masalan, Tabrizda u turk tilida gapiradi. Ammo u kurd mintaqalariga borganida, u yerda kurd tilida gaplashishi mumkin”, – degan turk rahbari.

Erdo‘g‘an yangi Eron prezidenti bilan bog‘lanib, uni saylovdagi g‘alabasi bilan tabriklashini qo‘shimcha qilgan. Shuningdek, Turkiya prezidenti Anqara va Tehron tashqi siyosiy munosabatlarning barcha turlarini rivojlantirishda davom etishiga umid bildirgan.

• Erdogʻan
• Eron
• Prezident
• Turkiya