Turkiya prezidenti Rajab Toyyib Erdo‘g‘an Qirg‘izistonning 58,9 million AQSh dollarlik tashqi qarzidan voz kechdi. Bu haqda Qirg‘iziston prezidenti Sadir Japarovning o‘zi ma’lum qildi.

Prezident Sadir Japarov turkiyalik hamkasbi bilan 5-noyabr kuni ikki tomonlama muzokaralar o‘tkazgan. Qirg‘iziston rahbari mamlakatning Turkiya oldidagi tashqi qarzi hisobdan chiqarilganini aytgan.

“Men prezident Erdo‘g‘onga Qirg‘izistonning Turkiya oldidagi tashqi qarzini bekor qilish to‘g‘risida qaror qabul qilgani uchun minnatdorlik bildirmoqchiman”, – degan Sadir Japarov.

Avvalroq, kecha, 4-noyabr kuni Turkiya Prezidenti Rajab Toyyib Erdo‘g‘an davlat tashrifi bilan Qirg‘izistonga yetib borgani haqida ma’lum qilgan edik.  

• Erdogʻan
• Qirg‘iziston
• Sadir Japarov
• Turkiya