Turkiya prezidenti Rajab Toyyib Erdo‘g‘an Istanbulda Iroq bosh vaziri Muhammad Shia as-Sudaniy bilan muzokaralar chog‘ida Isroilning harakatlari yuzasidan Yaqin Sharq davlatlarini birdamlikka chaqirdi. Bu haqda Turkiya prezidenti idorasi xabar berdi.

Shuningdek, uchrashuv chog‘ida Turkiya va Iroq o‘rtasidagi ikki tomonlama munosabatlar, mintaqaviy va global mavzular muhokama qilingan.

“Prezident Erdo‘g‘an Turkiya va Iroqning tarixiy va madaniy aloqalari bo‘lgan ikki qo‘shni davlat ekanini, munosabatlarni yaxshilash va hamkorlik imkoniyatlaridan foydalanish, ayniqsa, “Taraqqiyot yo‘li” loyihasi ikki davlatga ko‘p foyda keltirishini ta’kidladi”, – deya ma’lum qildi Turkiya prezidenti idorasi.

Bundan tashqari, Erdo‘g‘an terror tashkilotlari ham Turkiya, ham Iroq uchun xavfsizlikka tahdid ekani, barcha terror tashkilotlariga qarshi beg‘araz kurash olib borish har ikki davlat tinchligi va barqarorligiga xizmat qilishini, Turkiya Iroq hukumatining kurash borasidagi ijobiy qadamlaridan mamnun ekanini bildirgan.

• Erdogʻan
• Isroil
• Turkiya