Norvegiyalik hujumchi Erling Xoland “Borussiya Dortmund” bilan xayrlashdi.

“Ushbu libosni kiyish sharaf edi. “Borussiya”da unutilmas lahzalarni boshdan kechirdim, o‘zgacha insonlar bilan uchrashdim, hamisha bizning qo‘shimcha o‘yinchimiz bo‘lgan muxlislarni aytmasa ham bo‘ladi. “Sariq devor” haqiqatan ham qoyilmaqom.

Buni hech qachon unutmayman! Barchangizga rahmat!” – deb yozdi hujumchi o‘zining Twitter’dagi sahifasida.

Qayd etish mumkin, 21 yoshli hujumchi Bundesliganing 34-turidan o‘rin olgan “Gerta”ga (2:1) qarshi o‘yinda penaltini golga aylantirdi.

U shu kunga qadar jamoasi uchun umumiy 89 ta o‘yinda 86 ta gol urgan.

Bu Xolandning “arilar” safidagi so‘nggi o‘yini bo‘ldi, chunki u keyingi faoliyatini “Manchester Siti”da davom ettiradi.