Eron norozilik namoyishiga chiqqan aholini qo‘rqitish uchun o‘lim jazosidan foydalanmoqda. Bu haqda Xalqaro inson huquqlari tashkilotlari hisobotlarida ma’lum qilindi.

Joriy yilning 5-dekabrda Eron sudi Karaj shahrida politsiya zobiti o‘rinbosari Ruholloh Adamianning o‘limiga aloqador besh nafar namoyishchini o‘limga hukm qildi. Umuman olganda, o‘lim jazosiga hukm qilinganlar soni 11 kishiga yetdi.

“Bu odamlar inqilobiy sudning yopiq eshiklari ortida hech qanday qonuniy asossiz yoki adolatli sudsiz o‘limga hukm qilingan, ularning hukmlari qonuniy kuchga ega emas edi. Bu qatllar jamoatchilikda qoʻrquv uygʻotish va jamoatchilik eʼtiborini Islom Respublikasi razvedkasining muvaffaqiyatsizliklaridan chalgʻitish uchun qilingan”, - deydi Inson huquqlari tashkilotining Eron boʻlimi rahbari Mahmud Amiri-Mugʻaddam.

Britaniyaning Xalqaro Amnistiya tashkiloti ham namoyishlarda qatnashgani uchun hibsga olingan kamida 28 kishi qatl etilishi xavfi bo‘lgan ma’lumotlarni taqdim etdi.

Inson huquqlari tashkilotlarining ma’lum qilishicha, 2022-yilda mamlakatda 500 dan ortiq odam qatl etilgan. Bu bir yil avval qatl etilganlar sonidan 200 nafarga ko‘pdir.

• Eron
• Namoyish
• O'lim jazosi